Ким и Кање го продаваат својот дом од сништата

Доколку го следите шоуто “Keeping Up With Kardashians”, сигурно сте запознаени дека Ким и Кање се обидуваат да го завршат реновирањето на нивниот дом од сништата.

Но, како што се испостави, нивната борба стана преголема за нив, па младенците одлучија да го продадат овој дом, пред воопшто да се вселат во истиот. Како што дознаваме, Ким и Кање планираат да ја продадат вилата од 1.000 квадратни метри, иако всушност никогаш не живееле во неа.

Очигледно, тие досега потрошиле 11 милиони долари на оваа вила која ја краси нов тосканско-медитерански стил. Со локација во ексклузивно и затворено соседство Бел Аир, оваа феноменална вила располага со двоспратен влез со совршени паркети од костен, дневна соба во стил на катедрала со камен камин, закривени плафони, големи прозори и вински подрум. Се наоѓа на голем посед тревни површини, а соседи се Џенифер Анистон, Сара Мишел Гелар и Џо Френсис.