Знаете ли како да си направите ароматизер во домашни услови?
Нашата денешна рецепта е направена исклучиво од природни намирници, а освен тоа треба да ви кажеме дека домашно приготвените ароматизери се многу потрајни од оние кои ги купуваме и далеку поздрави.
Изборот какви ароми ќе употребите е ваш. Можете да изберете цитруси зошто нивниот мирис е потраен за разлика од останатото овошје. Зачините и растенијата исто така нема да ве разочараат, особено ако земете рузмарин, карамфил или цимет прачки. Екстрактите исто вршат одлична работа, особено оној од ванила.
Измешајте ги сите компоненти што сте ги избрале во тегла и поставете ја во тенџере на оган. Исипете вода во теглата и почекајте да зоврие, а потоа намалете ја температурата на шпоретот. Кога водата ќе почне да испарува дополнете со уште врела вода.
Еве ги нашите омилени рецепти:
– Еден портокал, 2 прачки цимет или цимет во прав, 1 лажица карамфил и 1 парче анасон.
– Втората варијанта е од 2 лимони, 2 лажици рузмарин и една мала лажичка екстракт од ванила.
Ако имате сад што се затоплува со помош на свеќа би можеле да го наполните садот со претходно набројаните намирници и да ги оставите да испаруваат. Истото важи и ако се греете со печка, радиатор или друг уред врз кој можете да го поставите садот за да испарува.