Убавина

Со лимон, камилица и пиво до природно осветлување на косата

Доколку сте русокоси или светло кафени, наместо да одите во фризерски салон, може да ја осветлите косата во вашиот дом.

Лимон

Цитрусната киселина која ја има во лимонот, кога ќе биде изложена на сонце, од топлината ги отвара кутикулите на косата и го истакнува пигментот. Исцедете лимон во шише со распрскувач, додадете вода (три пати повеќе од количината на лимонот) и прскајте на вашата коса пред да излезете надвор.

Чај од камилица

Камилицата е уште еден од природните осветлувачи на косата. Камилицата е подобра за брунети, бидејќи постепено влијае, за разлика од лимонот. Процесот е едноставен, подгответе една шоља чај, оставете ја да се излади, а потоа откако косата ќе ја измиете со шамон и балзам, нанесете го чајот од камилица.

Мед

Медот го содржи ензимот пероксид, кој е ефикасен осветлувач кога се меша со дестилирана вода за да се активира. Плус, вашата коса ќе мириса убаво и ќе биде мека после овој третман.

Пиво

Користете светло пиво и овој третман правете го кога ќе останете дома, за да не мирисате на алкохол. Пивото содржи витамини Б и протеини, затоа покрај тоа што ќе ви ја осветли, ќе помогне во заздравување на оштетната коса.

 

Напиши коментар