ПОТРЕБНИ СОСТОЈКИ:
* 2 јајца
* 70 г шеќер
* 120 г брашно
* 1/2 кесичка прашок за печиво
* 1 лажица какао во прав (или рогач)
* 200 мл млеко
* 70 мл масло за готвење
* 3 лажици мармалад или џем (ние користевме џем од боровинки)
ПРЕЛИВ
100 г шеќер
100 г путер (маргарин)
50 мл вода
100 г ореви (мелени)
2 лажици чоколаден крем (еурокрем)
НАЧИН НА ПОДГОТОВКА:
Изматете ги белките заедно со шеќерот, па постепено, додајте ги жолчките.
Во смесата додадете го млекото, маслото за готвење, неколку лажици мармалад и добро измешајте.
Брашното измешајте го заедно со прашокот за пециво и какаото во прав. Додадете го во смесата и повторно добро измешајте.
Садот за печење (20 x 20 см) обложете го со хартија за печење и внатре истурете ја смесата.
Печете во загреана рерна, на 200 степени, околу 25 минути.
Во меѓувреме, подгответе го преливот. Во сад, на оган, водата, шеќерот и путерот растопете ги. Додадете го чоколадниот крем и оревите и се добро измешајте.
Топлиот и испечен колач, со виљушка, прободете го на повеќе места и веднаш попарете го со топлиот чоколаден прелив.
Колачот оставете го да се олади, а потоа ставете го во фрижидер уште неколку часа за убаво да се стврдне.
Исчете го колачот на коцки и сервирајте го веднаш. Добар апетит!