Совршено место за живот – Пентхаус во Сохо

Со панорамски поглед на градот кој никогаш не спие, овој неверојатен луксузен пентхаус во Сохо е место во кое секој би посакал да живее. Доколку сакате да уживате во изобилие и луксуз, ова место со своето хармонично осветлување, големи прозорци, ексклузивни детали и внимателно одбрана декорација, е совршено место за вас. Има пространа дневна соба, со камин од мермерен финиш. Со четири спални соби, пет бањи, работна соба, медиумска соба, фитнес, спа бања и соба за масажа, овој пентхаус претставува вистински пример за ентериер.

Кога ќе излезете на терасата, низ вашите вени ќе протече чувство на моќ и богатство и наеднаш ќе сфатите каде се наоѓате. Со панорамскиот поглед на целиот Њујорк, оваа тераса е комплетна.