Ова е прв фотографски доказ дека бебињата уште во матката можат да почувствуваат како е нивната мајка расположена.
Сликата на бебето кое се одмара во стомакот на мајката би требало да претставува еден спокоен призор. Меѓутоа, на овие 3Д фотографии, снимени со помош на 4Д ултразук, бебето ја подигнало својата рака до брадата и се намрштило, што претставува јасен сигнал дека е загрижено поради нешто.
Научникот Наџа Рајсленд од Универзитетот Дарем, истражувала дали расположението на мајката се рефлектира на чувствата на бебето.
Таа ја пратела бременоста на 15 жени, кои во текот на бременоста правеле по четири ултразуци. Секој пат пред снимањето тие пополнувале прашалник за тоа во која мерка претходните месеци биле под стрес.
Се испоставило дека бебињата на мајките кои тешко ги поднесувале проблемите завземале специфични пози на загриженост и тага, додека бебињата во стомаците на добро расположените мајки на снимките делувале опуштено и смирено.
– Поголемиот дел од мајките многу добро се носат со бременоста. Здрави се и тие и нивните бебиња, но некои од нив морав да ги советувам на сите можни начини да го намалат стресот во својот живот – изјавила доктор Рајсленд.