Освен потребните состојки мислам дека нема потреба да дадам уште некаков коментар…
Потребни состојки:
– 250 гр еурокрем
– 4 реда чоколада
– 100 гр сецкани бадеми
– 150 гр мелени ореви
– 5 јајца
– 5 лажици шеќер
– 5 лажици брашно
– 8 лажици млеко
– 250 гр путер
– 250 гр шеќер во прав
– малку сок од портокал
– 2 кесички шлаг
Подготовка:
Изматете ги белките во цврст снег, додајте ги петте лажици шеќер, петте жолчки, 50 гр мелени ореви и 5 лажици брашно. Убаво изедначете ја смесата и сипете ја во претходно намачкан плех. Испечете го тестото и кога ќе биде готово извадете го од рерна, но не и од плехот. Одозгора премачкајте ја со растопената чоколада во 8 лажици млеко.
Фил: изматете 250 гр путер со 250 гр шеќер во прав, додајте го кремот, 100 гр сецкани бадеми, 100 гр мелени ореви и сок од еден исцеден портокал.
Изедначете го кремот и ставете го врз пандишпанот. Оставете ја тортата во фрижидер да се стегне. Откако ќе се стегне тортата извадете ја од плехот, калапот и ставете ја на чинија за торта. Премачкајте ја со изматениот шлаг.