Мојата кујна

Вкусна и едноставна за подготовка: Посна карамел торта!

ПОТРЕБНИ СОСТОЈКИ:

* 1 пакетче посни бисквити

* 300гр шеќер

* 9 дцл вода

* 3 пудинга од карамела

* 1 посен маргарин

* 8 лажици мелени лешници

* малку сварено кафе за топење на бисквитите

НАЧИН НА ПОДГОТОВКА:

Ставете 300гр шеќер да се карамелизира, но не на јак оган за да не изгори. Одвоете 1дл вода и измешате ги трите пудинга.

Кога целиот шеќер ќе добие златно-жолта боја, додадете ги и преостанатите 8дл вода и оставете шеќерот да се истопи и да проврие.

Кога сте сигурни дека шеќерот се истопил, ставете го пудингот во смесата да се вари и мешајте додека не се згусне.

Отстранете го од огнот и оставете да се излади.

Откако ќе се излади во него додадете го маргаринот и додадете 8 лажици мелени лешници.

Бисквитите малку натопете ги во свареното кафе и почнете да редите. Еден ред бисквити еден ред фил.

Напомена: Наместо лешници може и бадеми или ореви, по желба. Исто така, доколку не најдете пудинг од карамела, може и пудинг од ванила или чоколадо. Оставете неколку часа тортата да омекне од кафето и филот, а потоа можете да ја исечете на коцки.

Многу е вкусна и едноставна за подготовка.

Напиши коментар