ПОТРЕБНИ СОСТОЈКИ:
* 1 багет (или било кое друго лепче)
* 700 гр свежи печурки
* 2 чешниња лук
* малку сол, црвен пипер, црн пипер
* свеж босилок
* малку пармезан
НАЧИН НА ПОДГОТОВКА:
Добро измиените печурки ги сечкаме на мали парченца и ги ставаме во тава за пржење. Додаваме маслиново масло и малку лукче, сол, пипер и црвен пипер и динстаме неколку минути.
Багетот го сечеме на кришки со средна дебелина и ги потпекуваме во рерна неколку минути додека не станат крцкави.
Секое лепче потоа од обете страни го триеме со бело лукче и наливаме малку маслиново масло.
На секое лепче ставаме по малку од веќе подготвениот фил со печурки.
Готови брускети со печурки 5.Одозгора наросуваме пармезан и декорираме со парченца свеж босилок.