Мојата кујна

Брз солен ролат со шунка и краставички

ПОТРЕБНИ СОСТОЈКИ:

* 5 јајца

* 1 помала шолја јогурт

* малку сол

* 5 лажици брашно

* ½ лажица прашок за пециво

За фил:

* 150г. крем сирење

* 100г. кисела павлака

* 200г. шунка

* 4-5 кисели краставички

* малку кисела црвена пиперка

НАЧИН НА ПОДГОТОВКА:

Изматете ги јајцата со малку сол, додајте јогурт и брашно помешано со прашок за пециво. Ставете ја смесата во тепсија претходно подмачкана со масло и печете околу 10 минути на температура од 220 степени. Печеното тесто веднаш извадете го од тепсијата на влажна крпа, замотајте го и оставете добро да се излади.

Измешајте крем сирење и кисела павлака и премачкајте го ролатот. Додадете ситно сецкана шунка, распоредете ситно сецкани кисели краставички и малку сецкана кисела црвена пиперка. Замотајте го ролатот и ставете го во фрижидер убаво да се зацврсти, па исечете го на еднакви кришки и сервирајте!

Напиши коментар