Мојата кујна

Домашни гевречиња

ПОТРЕБНИ СОСТОЈКИ:

* 25 гр свеж квасец

* 50 гр стопен маргарин

* 1 јајце

* 2 лажици шеќер

* 1 лажичка сол

* 1 жолчка

* 2 лажици млеко

* 250 мл. млако млеко

* 500 гр брашно и плус по потреба

НАЧИН НА ПОДГОТОВКА:

Брашното го просејуваме, а потоа во длабок сад го ставаме и правиме во средината дупка.

Го рониме квасецот, додаваме 2 лажици шеќер го ставаме целото млако млеко и го оставаме квасецот да стаса.

Следно изработуваме доста тврдо тесто, го покриваме со крпа и го оставаме да го зголеми волуменот.

Кога тестото ќе стаса внатре додаваме 1 јајце, маргарин, сол и брашно за да добиеме меко и еластично тесто и се добро измесуваме околу 4-5 мин, за сите состојки добро да се соединат.

Го покриваме тестото со крпа и го оставаме повторно да стаса, а потоа тестото го делиме на 7 дела и од секој дел правиме сукалца долги 40 цм и краевите ги составуваме.

Ѓевреците ги премачкуваме со жолчка во која сме додале 2 лажици млеко и ги наросуваме обилно со сусам.

Се печат во подмачкана тепсија на 180 степени целзиусови се додека не добијат убава румена боја.

Напиши коментар