Многумина од вас го избираат дезодорансот по мирисот или под влијание на ефектна реклама, без знаење за нивниот состав.
Добриот дезодоранс би требало да содржи три компоненти: антиперспирант, антисептик и парфем.
Антиперсирантот го намалува лачењето на потните жлезди. Најчесто користени антиперспиранти се солите на алуминиумот, хлоридите и талкот. Талкот ја впива потта, ја зголемува површината од која испарува потта и така ја суши и ја лади кожата.
Антисептикот го намалува бројот на бактериите, а со самото тоа и непријатниот мирис.
Од антисептиците најчесто се користат триклосанот, хексахлорофенот, бензакониум-хлоридот и хлорхексидин диглуконатот.
Парфемот кој се додава на дезодорансот го покрива непријатниот мирис. Има и дезодоранси без мирис, кои го намалуваат мирисот на потта со антисептичкото и антиперспирантното дејство и овозможуваат да се користи парфем по сопствена желба, без мешање со мирисот на дезодорансот.
Освен со дезодорансите, непријатниот мирис се намалува со носење соодветни обувки и облека што и овозможува на кожата да дише и се разбира со активно капење затоа што водата ги мие вишокот на микроби.