Денешните педијатри советуваат дека водата е добро да се воведе во менито на бебето откако ќе стигне до 6 месечна возраст и дека пред тоа најдоброто за здравјето на бебето е мајчиното млеко без да се дава дополнитерлна храна или течности.
Но како што знаеме не сите мајки имаат доволно млеко и многу бебиња мора да бидат хранети со вештачко млеко па затоа е важно да знаеме дали тоа успева да ја задоволи дневната потреба од течности за да биде приближно на она што го добива кога се дои.
Додека наполни 1 година водата што бебето ја конзумира мора да биде преварена со што се дезинфицира, односно се уништуваат патогените за детското стомаче микроорганизми. После 1 година можеме да даваме и непреварена вода но единствено ако е флаширана изворска вода и никако вода од чешма или минерална вода. Минералната вода не се препорачува за деца под 3 години бидејќи концентрацијата на минерали во неа е преголема за детските бубрези.
Ете зошто лекарите препорачуваат малите деца да пијат изворска вода со минерализација под 120 мг на литар и натриум катјони под 20 мг/л. Имено високата концентрација на натриум катјони е причина за задржување на вода во организмот што може да доведе до проблеми со бубрезите, срцето, крвниот притисок. Затоа секогаш читајте ја етикетата пред да купите нов вид вода. На етикетата треба да пишува дали водата е соодветна за доенчиња и мали деца и какво ниво на минерализација и натриумови катјони има во неа.