Стаклената куќа со рамен покрив кој преку ноќ свети во сина боја и асоцира на сина лагуна, се наоѓа во Brusino Arsizio, Швајцарија.
Необичната куќа е дизајнирана од страна на познатиот архитект Jacopo Mascheroni , а има преубав поглед кон езерото Лугано.
Стаклената куќа е уредена минималистички во комбинација со дрво во природни бои, односно мебел во бела боја, а од секој агол се овозможува поглед кон исто така минималистички уредениот двор.
Внатрешниот простор зафаќа површина од околу 600 квадрати, а на пет минути возење се наоѓа и границата со Италија.
Славниот милански архитект Mascheroni дел од куќата со стаклен павиљон кој води на терасата го има дизајнирано во облик на буквата U. Покрај уредената градина се наоѓа и гаража за два автомобили.
Освен кујната и просторијата за дневен престој, во долниот дел од куќата се наоѓа и главна спална соба со посебен гардеробер и бања, односно соба за опуштање и хоби. На другата страна исто така се наоѓа отворен простор како собата за дневен престој, со две бањи и спални.
Што друго ја открива магијата на овој дом, проценете сами…
