Мојата кујна

Млечни коцки

Состојки за бисквит:

  • 6 јајца
  • 6 лажици брашна
  • 6 лажици шеќер
  • 1 ванилин шеќер
  • 1 прашок за печиво
  • 4 лажици какао
  • 6 лажици врела вода
  • Голема чаша млеко

Состојки за чоколаден крем:

  • 100g млечна чоколада
  • 100g чоколада за готвење
  • 5 лажици млеко
  • 4 лажици шеќер во прав
  • 150g маргарин

Состојки за бел крем:

  • 1l млеко
  • 7 лажици густин
  • 4 лажици шеќер
  • 1 ванилин шеќер
  • 150g маргарин
  • 100g шеќер во прав

Подготовка на бисквитот:

Одвојте ги белките од жолчките и измешајте ги жолчките и шеќерот. Постепено додавајте ги останатите состојки, а на крајот и изматените белки. Печете во голема тава, 25 минути на 180 степени. Печениот бисквит оладете, а потоа пресечете го на два еднакви дела.

Подготовка на белиот крем:

Од предвидената количина на млеко одвојте околу 150ml и помешајте го со густинот и шеќерот. Остатокот од млекото оставете го да се свари, па во длабок сад варете го заедно со густинот. Варете додека не се згусне, а потоа додајте го маргаринот со шеќерот во прав.

Подготовка на чоколаден крем:

Помешајте го чоколадото, маргаринот, шеќерот и млекото, па ставете ги на тивок оган и мешајте додека не се соединат.

Првиот дел од бисквитот натопете го со млеко, премачкајте го со белиот крем, па на крај со чоколадниот. Прекријте го со другата половина и повторете ја постапката.

Направениот колач оставете го да се олади, па потоа расечете го на мали коцки. Декорирајте со слатки зачини или овошје по желба.

Напиши коментар