Се што нанесуваме на својата кожа доаѓа до нашиот крвоток. Затоа е добро да се користи природна козметика дури и тогаш кога станува збор за препаратите за сончање. Овој рецепт е едноставен и можете да го направите сами, а содржи три драгоцени состојки за кожата – зелени ореви, моркови и маслиново масло.
Со оглед на тоа дека заштитниот фактор на ова масло за сончање е 5 се препорачува да се користи кога кожата веќе е потемнета и кога сонцето е послабо.
Состојки:
6-7 зелени ореви
Еден поголем свеж морков или два помали
Маслиново масло
Начин на подготовка:
Исечкајте ги оревите, а морковот изрендајте го и полијте го со маслиново масло. Измешајте ја смесата и ставете ја во стаклена тегла. Оставете ја теглата да одстои на сонце околу месец дена, а повремено протресувајте ја. Кога ќе помине еден месец исцедете ја целата смеса, а добиеното масло ставете го во мало шише.