Кога станува збор за избор на Вашите обетки, често ги бираме според моделот на венчаницата. Праксата при избор на обетки на македонските невести, покажува дека се бираат обетки кои се за еднократна употреба, поточно бижутерија. Но дали е тоа во ред? Нашите баби носеле исклучиво рачно изработени обетки од филигран, злато и сребро, со гламурозен уникатен изглед кои подоцна ги подарувале на своите ќерки и внуки. Дали е подобро да купиме поевтина венчаница а поскапи обетки? Секако дека одговорот би бил “да”, затоа што за разлика од венчаницата обетките ќе ги носиме и по свадбата. Затоа размислете добро и бидете практични при изборот на обетки. Ви проследуваме неколку слики со обетки кои би можеле да Ви бидат рачно изработени.
