Температурите полека се спуштаат, а од ден во ден воведуваме нови зимски модни детали во секојдневното облекување.Капите, шаловите и ракавиците ви нудат топлина, но претставуваат и модни детали кои го красат нашиот стил. Бидејќи накитот во текот на есента и зимата не се гледа под слоевите облека, па логично е овие модни додатоци наш најчест избор.
Денес ви откриваме едноставен начин да ја освежите капата со крзнени детали. Крзното и оваа сезона е апсолутен хит, така што со овој избор сигурно нема да погрешите.
Потребни материјали:
- вештачко крзно
- ножици
- игла и конец
- памук
Од обратната страна на крзното која е обично памучна исцртајте правилен круг – колку е поголем кругот толку ќе биде поголемо крзненото топче! Исечете го по означениот круг.
Ќе добиете крзнен круг. Во средината сместете топче памук или некој друг мек материјал и со конец почнете да го затворате круот од долната страна.
Откако ќе завршите треба да добиете крзнено топче. Пришијте го на самиот врв на капата и тоа е тоа!
Толку е едноставно!
