ПОТРЕБНИ СОСТОЈКИ:
* 500 гр њоки
* 200 гр моцарела
* 60 гр пармезан
* 450 мл сос од домати
* 1 лажица маслиново масло
* малку лук (исечкан)
* свеж босилок
* малку сол
НАЧИН НА ПОДГОТОВКА:
1.Подготовка на сос: Во подлабок сад за готвење ставете го сосот од домати заедно со маслиново масло, лук, босилок и малку сол. Гответе на тивок оган околу 20-тина минути. Во сосот додадете 150 грама моцарела и мешајте додека не се растопи.
2.Во меѓувреме сварете ги њоките според упатството на пакувањето, додајте ги во претходно зготвениот сос и нежно измешајте ги.
3.Целата смеса префрлете ја во плех за готвење (керамичка тава), одозгора наредете ја преостанатата моцарела и посипете со пармезан.
4.Печете во загреана рерна околу 10-тина минути.
5.Декорирајте со свеж босилок. Добар апетит!