ПОТРЕБНИ СОСТОЈКИ:
* 1 пудинг од чоколадо
* 350 мл млеко (за подготовка на пудингот)
* 1 лажица шеќер (за подготовка на пудингот)
* 4 готови кори за баница
* 1 јајца (за фил)
* 1-2 лажици шеќер (за фил)
* 50 мл масло за готвење (за фил)
* 50 мл јогурт (за фил)
* 40 г гриз (за фил)
* 1/2 пакетче прашок за пециво (за фил)
* 1 кесичка ванилин шеќер (за фил)
* малку шеќер во прав (за посипување)
НАЧИН НА ПОДГОТОВКА:
Пудингот подгответе го според упатството на кесичката. Но, со мала измена, место 500 мл млеко користете 350 мл и една лажица шеќер.
Белката изматете ја со мискер, додадете го шеќерот. Откако добро ќе се измати, додадете ја жолчката, маслото, јогуртот и гризот измешан со прашокот за пециво.
Врз првата кора ставете 1/3 лажици од филот со јајце и со лажица распоредете го подеднакво по површината на кората.
Одозгора ставете уште една кора.
И оваа кора, како и третата кора, премачкајте ја со филот.
Врз четвртата кора, на едниот крај, ставете го чоколадниот фил.
Краевите свиткајте ги за да не истече филот, и корите виткајте ги во форма на ролат.
Ролатот префрлете го врз тава за печење и печете го на 200 степени не повеќе од 20 минути.
Оставете го добро да се олади, посипете со прав шеќер и сервирајте го. Добар апетит!