Сите сакаме да живееме во големи куќи, опремени по последна мода и да откриваме неверојатни глетки низ огромните прозорци. Но малкумина од нас ја имаат таа можност.
Тоа сепак не значи дека не можеме да внесеме доза на луксуз во помал и поевтин простор. Најважен е акцентот на деталите.
Не е потребно да поседувате оргинални дела на Пикасо или Дали за да изгледате побогати. Доволно е да имате скромен талент за убавото, за успешно да ги изберете додатоците за дома.
Голема апстрактна слика на мал зид или неколку слични на поголем. Елегантни свеќници, кристални или секакви мали убави фигури, сите тие внимателно селектирани, создаваат чувство за уметнички простор, декориран со многу вкус и внимание.
