Иако слабеењето е проблем со кој се соочуваат жените на сите возрасти, сепак нашето тело се менува, како и животните навики и секоја од животните доби се соочува со проблеми својствени само за неа. Во 20тите најголем проблем за витката линија е алкохолот, во 30тите стресот и бременоста, а во 40тите менопаузата и забавениот метаболизам.
Слабеење во 20тите
Најголемиот грев за витката линија во 20тите години е алхоколот. Алкохолните пијалаци се полни со празни калории кои предизвикуваат дебелеење, особено во пределот на стомакот и бутовите. Околу 340 мл пиво има околу 150 калории, 142 мл вино има 120 калории, а 43 мл жесток алкохол околу 100 калории. Со алкохолот не треба да се претерува и треба да се дозира. Имајте на ум дека коктелите се многу покалорични од соковите и газираните пијалаци. Воедно, за да го намалите внесувањето на калории можете чашата вино да ја разблажите со вода.
Освен алкохoлот замка за витката линија претставува и јадењето во ресторани и ланците на брза храна. Еден просечен оброк во ресторан има околу 1495 калории, а истражувањата поврдуваат дека при јадење во група луѓето имаат тенденција да јадат 18% повеќе отколку кога јадат сами.
Пред да излезете се препорачува да изедете едно тврдо варено јајце или јогурт, така што ќе го намалите апетитот и ќе го спречите прејадувањето. Во ресторанот најдобро е да нарачувате први, бидејќи изборот на пријателите може да влијае на вашиот избор.
Новата љубов е одлична за нашата општа благосостојба, но не толку многу за линијата. Жените во текот на првите пет години од врската во просек се здебелуваат по 6.8 кг, а овие кои живеат заедно со партнерот околу 8.1 кг. Паровите несвесно го имитираат однесувањето во однос на избор на прехрамбени продукти и навики. Тоа е „опасно“ за жените бидејќи мажите можат да изедат повеќе, но и затоа што резултатите од ова не се веднаш видливи. Во заедницата најдобро е да тежнеете да се прехранувате со здрави продукти и многу овошје и зеленчук.
Слабеење во 30тите
Во 30тите паровите најчесто се одлучуваат да основаат семејство, што може лошо да се одрази на линијата на новите мајки. Околу 60% од новите мајки една до две години по породувањето се соочуваат со проблеми со намалување на килограмите. Овој период е обележан со губење на саатите на квалитетен сон, што резултира со зголемено лачење на хормонот на глад и се засилува апетитот за масни и слатки намирниците, како и за брза храна.
За мајките се препорачува здрава исхрана која изобилува со овошје и зеленчук, како и со лосос. Оваа риба изобилува со масните омега 3 масни киселини, кои помагаат во борбата со постнаталната депресија. Истражувањата потврдуваат дека жените кои имаат проблеми со постнатална депресија потешко ги намалуваат килограмите.
Стресот е друга причина поради која жените во 30тите имаат проблеми со килограмите. Стресот предизвикува зголемено лачење на хормонот кортизол, кој се јавува како една од причините за покачување на килограмите поради тоа што го зголемува апетитот, но и го забавува метаболизмот.
Кога сте под стрес препорачливо е да го избегнувате консумирање на кафе, бидејќи на тој начин уште повеќе го поттикнувате лачењето на кортизолот. Воедно, дневното внесување на кафе се препорачува да се ограничи на една до две шолји дневно, или да се замени со чај.
Воедно, додека сте на работа препорачливо е да земете пауза за ручек, бидејќи истражувањата покажуваат дека на работното биро јадеме повеќе и побргу од вообичаено. За да се намали нивото на стрес хормонот воедно се препорачува јадење на портокал, црвени пиперки и останати намирници богати со витамин Ц.
Брзиот начин на живот, грижата за семејството и работа често ги нарушуваат навиките во исхраната. Кога луѓето немаат време да одвојат за „вистински“ оброк, често посегнуваат по грицки и чоколадо кои моментално го креваат нивото на шеќер и прават да се чувствуваме подобро, но исто толку бргу и го намалуваат. Поради тоа опаѓа и нивото на енергија, со што влегувате во циклус на нездрава исхрана.
Истржувањата потврдуваат дека жените кои ги прескокнуваат оброците потешко ги губат килограмите, отколку оние жени кои се придужуваат до одредена редовна рутина во исхраната. Одличен почеток на денот е богат појадок кои изобилува со суво овошје и зеленчук.
Слабеење во 40тите
Со влегувањето во четвртата деценија од животот мускулната маса се намалува за 5% на секои 10 години. Тоа значи дека секој ден трошите 100 калории помалку од порано. Метаболизмот природно се забавува и килограмите потешко се намалуваат.
Вежбањето е најдобриот начин за да се одржи мускулната маса, како и зголеменото внесување на протеини. Протеините треба рамномерно да се распределат бидејќи телото користи само 20г до 30г. Метаболизмот може да се поттикне со јадење на повеќе зачинета храна и пониска температура во просториите во кои живеете.
Уште еден проблем освен забавениот метаболизам е и предменопаузата и менопаузата. Во овој период нивото на естроген опаѓа, а отпорноста на телото на инсулин расте, со што организмот ги складира мастите наместо да ги користи како енергија. Затоа во овој период се препорачува намалува на јаглехидратите. Поголемиот број на јагледхидрати се преорачува да се внесуваат преку зеленчук, овошје и житарките со полно зрно.
Хормоналните промени можат да влијаат и на работата на тироидната жлезда, што исто така може да биде причина за зголемување на килограмите. Состојбата може да се влоши и поради ниското ниво на витамин Б12, кое се јавува кај многу лица. Дневното внесување на овој витамин може да се зголеми со јадење лосос, јогурт и јајца.
Слабеење во и по 50тите
Во 50тите нивото на естроген се повеќе опаѓа, а телото се повеќе од калориите претвара во масти, наместо да ги користи како енергија. Метаболизмот се повеќе се забавува, мускулната маса се повеќе слабее, а масните наслаги во пределот на абдоменот се повеќе се зголемуваат. Во оваа доба се препорачува внесување на што повеќе влакна, како и калциум, протеини и витамин Д.
Како и во сите доби од животот, така и во оваа стресот неповолно се влијае на телесната тежина. Неговото влијание може да се ублажи со внесување на магнезиум, кој го намалува лачењето на кортизол. Најдобро е секојдневната исхрана да ја надополните со спанаќ, бадеми и грав кои содржат околу 50мг магнезиум по проција.
Освен ова се препорачува и храна богата со витамин Б6, кој на телото му дава енергија и помага кај несоницата. Нејдобар извор на овој витамин се пилешко и мисиркино месо и банани.
Ризикот од депресија може да се зголеми во текот на менопаузата, а истражувањата покажуваат дека жените кои имаат дијагностицирана депресија почесто имаат висок индекс на телесна маса и поголем обем на струкот.
Тагата која ја следи депресијата може да ја зголеми желбата за јаглехидрати, поради тоа што тие предизвикуваат лачење на хормонот на среќа, сератонин. За да се избегне нагонското внесување на шеќер, расположението може да се подигне и со темпирање на оброците, чие растојание не смее да биде поголемо од пет часа. Се препорачува внесување на протеини, фолати и јагледхидрати во облик на житарки со полно зрно и овошје.