Мојата кујна

Чоколадна капучино торта

ПОТРЕБНИ СОСТОЈКИ:

1.Бисквит:

5 јајаца

150g шеќер

1 кесичка ванилин шеќер

130g брашно

½ кесичка прашок за печиво

Сол на врв од лажичка

200g путер

4 кафени лажички капучино во инстант прав

200g чоколадо за готвење

2.Крем:

500g крем сир

250g бело кравјо сирење

100g шеќер

1 кесичка ванилин шеќер

3.Прелив:

100ml зовриена вода

3 кафени лажички инстант капучино прав

200g чоколадо за готвење

4.Глазура:

200g чоколадо за готвење

200ml павлака

Подготовка:

1.Бисквит:

Стопете ја во тенџерче чоколадата за готвење со путерот и оставете ја да се олади. Одвојте ги белките од жолчките, па жолчките со помош на миксер посебно смутете ги заедно со шеќер и ванилин шеќер додека не се направи пена. Постепено додавајте од брашното, капучиното, солта и прашокот за печиво. Додајте ја стопената чоколада и на крајот белките. Смесата истурете ја во калап за торта, обложен со хартија за печење и ставете ја во рерна на 175C околу 40 минути. Откако бисквитот ќе се испече, оставете го да се излади и поделете го на два дела.

2.Крем:

Измешајте го крем сирот со шеќер и ванилин шеќер, па додајте го белото кравјо сирење и мешајте додека не добиете соединета смеса.

3.Прелив:

Во зовриена вода направете го капучиното во прав па додајте ја скршената чоколада и мешајте додека не се стопи.

4.Глазура:

Во тенџерче загрејте ја павлаката. Додајте ја искршената чоколада и мешајте додека да добиете густа смеса. Оставете ја глазурата да се олади.

5.Составување:

Првиот дел од бисквитот ставете го во сад за торта. Прелијте ја целата површина со прелив, па поклопете го со другиот. Премачкајте ја целата површина и рабовите на тортата со кремот и преливот, а во средината на врвот полијте со течната глазура. Оставете ја тортата во ладилник на неколку часа, а потоа послужете.

Напиши коментар