Ако сте од оние личности кои немаат проблем да застанат и да извикаат на цел глас J’adore Paris! тогаш веруваме дека овој мал водич за градот на светлината ќе ви биде корисен.
Напијте се чај и почестете се со macaroons во Laduree
Прво нешто што треба да го направите (секако откако ќе се сместите) е да одите во Laduree, и да ја задоволите потребата за нешто слатко со macaroon кои ги има во цела палета на пастелни бои.
Почестете се себе си со овие луксузни колачиња и не заборавајте да си купите за носење, сепак на тој начин ќе донесете мал дел од Париз дома.
Бидете права Парижанка и уживајте во убавината на хотелот
Хотелот Chavanel е одлично место за престој во Париз. Се наоѓа во близина на La Madeleine и Rue Saint Honore.
Собите се декорирани со свеж, модерен дизајн, кебиња од кашмир и производи за бања од Nuxe.
Локацијата на хотелот е важна за на најлесен начин да појдете до сите знаменитости кои сакате да ги посетите, но верувајте дека нема да сакате да ја напуштите собата.
Задолжително посетете го и бутикот на хотелот, тоа е многу шик.
На вечера и коктел во Buddha
Кога ќе се движите по скалите за да влезете во Buddha, бидејќи веќе сте резервирале место за вечера, ќе чувствувате како да сте во друг свет.
Веројатно не очекувате да јадете суши во Париз, но немојте да не го пробате нивното популарно “Rainbow New Style”.
По вечерата пробајте го коктелот “So Be @ Miami” и уживајте во легендарната chill house музика, која е избор на диџејот.
Ова е место на кое се оди за да видите, да бидете виден, да танцувате и да уживате.
Започнете го следниот ден со “Café au Lait”
Со кафе во раката, шетајте по реката Сена. Брегот на реката е прекрасен со ноќните светилки, но верувајте има посебен шарм преку ден.
Застанете по патот и земете една која ќе биде вашиот неформален појадок.
Качете се на некој тура по реката која ќе ве одведе се до Ајфеловата кула.
Завршете ги попладневните часови со шопинг на дизајнирани парчиња во Rue Saint Honore
Rue Saint Honore е најдобрата улица во градот за шопинг. Тука ќе најдете продавници на Hermes, Chanel, Louis Vuitton и уште многу други. Па дури и да не можете да си ги дозволите парчињата на овие дизајнери, сепак убаво е да ги видите.
Верувајте некои од овие продавници се всушност поубави од облеката која ја продаваат!
Вечерајте во Les Ombres, и уживајте во ноќта која нема да ја заборавите
Осигурајте се да резервирате маса на терасата на едно од местата кои имаат најубав поглед во светот. Ајфеловата кула е само малку оддалечена, па имате можност да седите во првите редови и да имате непрекинат поглед на тие прекрасни ноќни светла.
Ако почнете со вечерата околу 20.30 часот, тогаш можете со чаша вино во рака да го видите неверојатниот поглед во 21.00 часот кога светилките на Ајфеловата кула почнуваат да се вклучуваат.
Да и за крај, не заборавајте да се фотографирате колку што можете повеќе.
Сепак фотографиите се едни од најубавите и живописни сувенири кои можете да ги донесете од секое патување.