Здраво тело

Како правилно да ставите тампон за прв пат?

Ставањето тампон за првпат, не е толку страшна и тешка ситуација како што звучи. Тампоните се безбеди, лесни за употреба, хигиенски и здрави, и ако правилно ги користите, нема да почувствувате никаква неудобност или болка. Следниве инструкции ќе ви помогнат при неговата правилна апликација.

Инструкции

  • Најдобро време за ставање тампон е кога вашата менструација е во ек, т.е. кога најмногу крварите.
  • Измијте си ги рацете и отпакувајте го тампонот. Делот што е заоблен треба да биде свртен кон влезот на вагината, а делот со јаженцето надолу.  
  • Опуштете се. Ако мускулите ви се напнати, вметнувањето на тампонот ќе биде потешко.
  • Изберете ја правилната позиција. Седнете на опашката и раширете ги нозете.
  • Фатете го тампонот со палецот и показалецот. Наместете го заоблениот дел на врвот од отворот на вагината и полека почнете да туркате со показалецот.
  • Користете ја другата рака за да ги раширите вагиналните усни.
  • Туркајте го тампонот додека не излезе од вагиналниот канал. Ќе почувствувате кога ќе влезе во широкиот дел од вагината. Јаженцето оставете го да виси надвор од вагината.
  • За да го извадите тампонот, само потегнете го јажето.
  • Ако чувствувате болка или какво било друго непријатно чувство после вадењето на тампонот, значи дека не сте го ставиле правилно. Пробајте повторно со нов и чист тампон, а доколку повторно чувствувате болка, обидете се со тампон со помала големина.

Совети

  • Менувајте го тампонот на секој 4-6 часа. Кога спиете навечер, ставете влошка.
  • Секогаш мијте ги рацете пред и по ставањето на тампонот.
  • Не користете ги тампоните за апсорбирање на вагиналниот секрет! Тие се направени само за апсорбција на менструацијата.
  • Не заборавајте да го отстраните стариот тампон пред да го ставите новиот.
  • Одберете големина на тампон според интензитетот на крварењето.
  • Помалку од 2% од жените во светот имаат многу мал вагинален отвор и поради ова не можат да ставаат тампони. Ако и вие сте едни од нив, консултирајте се со доктор.

Запомнете

  • Невозможно да се изгуби невиноста со тампон.
  • Тампонот не може да се изгуби во матката или телото, бидејќи грлото на матката го спречува неговото движење.
  • Откако за првпат ќе добиете менструација, вие сте спремни да ставате тампон.

Напиши коментар