ПОТРЕБНИ СОСТОЈКИ:
* 120 грама мелени ореви
* 15 полни лажици брашно
* Кора и сок од еден портокал
* 100 милилитри млеко
* 3 јајца
* 14 лажици шеќер
* 150 грама рендана тиква
* 1 прашак за пециво
* 1 ванилин шеќер
* Пола лажичка цимет
За глазура:
* 150 грама шеќер во прав
* Сок од 1 портокал
НАЧИН НА ПОДГОТОВКА:
Измешајте ги сите суви состојки: брашното, шеќерот, прашакот за пециво, ванилиниот шеќер, оревите, циметот и кората од портокал.
Потоа додадете го млекото, сокот од портокал и јајцата.
Ренданата тиква малку проварете ја и добро исцедете ја па додадете ја на другите состојки.
Тавчето обложете го со хартија за печење и сипете ја смесата во него. Ставете го во добро загреана рерна на 200 степени да се пече десетина минути.
Колачот е готов кога ќе го боцнете со чепкалка за заби и таа ќе излезе чиста.
Направете глазура од сок од еден портокал и шеќер во прав. Убаво измешајте ги и премачкајте го топлиот (не врел) колач.
Имајте добар апетит!