Состојки:
3 шолји овесни снегулки (шолја од 200 мл)
3 шолји рендани јаболка
1/2 шолја шеќер
1 ванилин шеќер
1 прашок за пециво
3 јајца
1/2 шолја масло
1 шолја јогурт
цимет или други додатоци по вкус
Начин на подготовка:
Сите суви состојки измешајте ги, па во нив додадете ги и изренданите јаболка. Во друг сад ставете ги сите течни состојки, изматете ги (може и рачно) и додајте ги сувите состојки. Намрсете ја тавата за печење, сипете ја смесата и печете во претходно загреана рерна на 180 степени, околу 35 минути. Кога ќе се излади можете да го посипете со шеќер во прав. Колачот е сочен и многу ароматичен. Уживајте!