Повеќето жени пијат кафе секој ден и по неколку пати дневно. Искористете ги предностите на црното кафе и од талогот без шеќер направете пилинг маска за освежување на уморната кожа. Познато е дека кофеинот многу брзо се апсорбира и помага да се ослободат токсините од кожата.
Состојки:
- 1 лажица исцеден талог од сварено кафе
- 1-2 лажици млеко за чистење лице
- 1 лажица мед
Во стаклен сад измешајте го талогот од кафе со медот. Додадете го млекото и добро измешајте.
Нанесете ја смесата на лицето и деколтето и нежно масирајте. Потоа оставете маската да делува десетина минути. Кофеинот поради антиоксидантните својства ќе ги отстрани токсините од кожата, ќе ги намали црните кругови под очите, црвенилото и го успорува стареењето, додека медот ја обновува кожата и ја прави мека и еластична.