Постојат повеќе начини на кои можете да носите мини сукња во текот на ладните денови без да смрзнете.
Најважно е да пронајдете модел кој ви одговара, а кој е изработен од квалитетни материјали како волна, плиш и кожа.
Секако морате да имате во вид што комбинирате со нив за да постигнете тренди аутфит.
Ви ги претставуваме најактуелните модели кои ќе се носат оваа зима.
Антилоп сукња со копчиња…
Овој модел можеме да кажеме дека ја одбележи 2015 година. Антилоп сукњата е универзална, и може да се носи во секоја сезона.
Сепак најголем предизвик за комбинирање е токму зимата, каде што може да се искомбинира со парчиња на различни материјали и структура. Кожа, крзно, свила, памук…
Кожна сукња…
Освен што е топла, таа е многу тренди и шик. Бирајте неутрални нијанси како кафена, црна или бордо и носете ја со бела кошула. На крајот целата комбинација заокружете ја со високи штикли и бидете сигурни дека имате одличен зимски аутфит.
Каро сукња…
Карото е вечно. Па затоа оваа сукња мора да се најде и во вашиот плакар.
Асиметрична сукња…
Асиметричниот крој е хит оваа сезона. Сама по себе ваквата сукња е впечатлива па затоа ви препорачуваме да ја комбинирате со едноставно парчиња.
Балон сукња…
Сукњата со голем волумен ќе ја издолжи вашата фигура и ќе стави акцент на вашите нозе.
