Мојата кујна

Многу вкусни ќофтиња во доматен сос

ПОТРЕБНИ СОСТОЈКИ:

* 500 гр мешано мелено месо

* 50 гр рендан пармезан (или пекорино)

* 2 јајца

* 1 супена лажица ливчиња од свежо нане (ситно исечкани)

* 1 супена лажица свеж магдонос (ситно исечкан)

* малку сол

* 1 кафена лажичка морско оревче

* 50 гр презли

* 300 гр доматен сос (за сосот)

* 2 чешниња лук

* 2 кафени лажички мајчина душичка

* 1/2 кафена лажичка црвен пипер

* малку маслиново масло

НАЧИН НА ПОДГОТОВКА:

1.За да ги направите ќофтињата, во подлабок сад ставете го месото, пармезанот, нането, магдоносот, презлите, морското оревче и јајцата, се добро измешајте и посолете. Меѓу дланките формирајте ќофтиња (како топчиња или како плескавички) и ставете ги во чинија.

2.Испржете ги ќофтињата убаво од сите страни на умерена температура во загреано масло (околу 10-тина минути)

3.За да го направите сосот, во тавче со малку масло ставете ги да се запржат лукот, мајчината душичка и црвениот пипер (околу минута-две), а потоа додадете го доматниот сос и оставете ја смесата да се вари околу 10-15 минути.

4.Додадете ги ќофтињата во сосот и нежно промешајте за сосот комплетно да ги покрие.

5.Послужете ги ќофтињата заедно со малку сос во подлабоки чинии, а одозгора испрскајте ги со малку свеж исечкан магдонос и рендан пармезан (ако сакате).

6.Забелешка: Одлично одат со пире. Добар апетит!

Напиши коментар