ПОТРЕБНИ СОСТОЈКИ:
Тесто
* 430 гр. брашно
* 180 мл. густ јогурт
* 1 жолчка
* половина пакетче сув квасец
* ½ лажичка шеќер
* ¼ лажичка сол
Фил
* 150 гр. фета
* 150 гр. кашкавал
* 30 гр. маргарин
НАЧИН НА ПОДГОТОВКА:
Ставете го брашното, квасецот, солта и шеќерот во еден сад и малку промешајте. Жолчката малку изматете ја со виљушка, додадете го јогуртот и истурете во смесата. Месете додека не добиете меко тесто што нема да се лепи на рацете.
Направете 4 топчиња и растегнете кори кои не треба да бидат многу тенки. Во сад настрана, изгмечете ја фетата и додадете го ренданиот кашкавал, па направете 4 топчиња од смесата.
Врз првата кора ставете едно топче со кашкавал и нежно земете ги краевите за да го преклопите топчето.
Нежно притискајте со прстите врз топката од тесто, додека не се рашири и не стане во форма на кора.
Повторете ја постапката со сите 4 топчиња и оставете да одмори околу 15 минути. Шпоретот вклучете го на средна температура и во длабока тава ( која мора да има и капак) ставете путер да се растопи онолку колку што е доволно само за да ја намасти. Ставете една од корите и печете ја по 5-7 минути од двете страни, покриена со капак.