Секоја година ОН објавуваат листа на најсреќните држави на светот, кои се определени од водечките експерти за економија, психологија, здравје и јавна политика.
Ако веќе не живееме во една од овие наведени најсреќни локации, тоа не значи дека не би требало да ги посетиме.
Еве ја топ листата за оваа година, плус кое место во секоја држава едноставно мора да го видите.
Швајцарија
Посетете го Луцерн пред крајот на зимата за карневалот Fasnacht. Одличен фестивал со концерти, изложби, паради и други форми на веселба.
Исланд
Landmannalaugar е лоциран во планините на Исланд, и како што можете да претпоставите од фотографијата е познат по своите патеки за планинарење.
Данска
Покрај тоа што се наоѓа во една од најсреќните држави, Архус често е рангиран во групата на најсреќни градови на светот. Тој исто така е урбан центар за студенти кои всушност се 13% од неговата популација.
Норвешка
За да стигнете до Пулпит Рок ви се потребни најмалку два часа, но кога ќе стигнете на врвот, верувајте ќе сфатите дека се исплати.
Канада
Националниот парк Nahanni, кој е сместен во северозападна Канада со причина е на листата на најпопуларни туристички атракции.
Финска
Националниот парк Riisitunturi, кој се наоѓа во близина на Посио, во јужниот дел на Финска, изгледа како шума од снешковци. Теренот е тежок за движење особено зимно време, па затоа оваа локација им се препорачува на оние кои имаат авантуристички дух.
Холандија
На југ од Хаг, се наоѓа историскиот центар на градот Делфт, кој е познат по своите канали кои течат по многу улици, и прекрасните историски градби, како и градското собрание кое можете да го видите на сликата.
Шведска
Локалитет на море Марстранд е најдобро познат по Carlsten, тврдината од 17 век.
Нов Зеланд
Tingariro е најстариот национален парк во Нов Зеланд и е четвртиот по ред основан национален парк во светот. На самото место е и светското наследство на УНЕСКО на кое има не еден туку три активни вулкани.
Австралија
Улуру или Ајерс Рок, се наоѓа во Северната Територија на централниот дел на Австралија и е исто така Светско наследство на УНЕСКО. Формацијата на песочен камен ја менува бојата во три различни периоди на годината и на денот, особено на зајдисонце и изгрејсонце кога изгледа дека свети црвено.
