Cafe Del Mar

Правилен појадок за губење килограми

Денот по утрото се познава, затоа решението да намалите неколку килограми треба да започне токму со појадокот. Денот започнете го со храна која нема да ве дебелее, а ќе ви даде доволно енергија и ќе го одржи вашето здравје.

Започнете го денот со чај наместо со кафе

Покрај тоа што помага во одржувањето на здравото срце, зелениот чај помага и при губење на тежината. Една шоља зелен чај наутро го забрзува процесот на губење калории во текот на денот и ја зголемува брзината со која телото ги користи мастите.

Одржувајте баланс

Добриот појадок вклучува протеини, овошје и јаглехидрати. Тоа е одличен микс кој ќе овозможи вашето тело да ги добие сите потребни состојки за да имате енергија и за да не се чувствувате гладни во скоро време. Трудете се храната да ви биде разновидна, нема потреба да јадете житарки, сок од портокал и едно јајце секој ден.

Јадете барем 5 грама растителни влакна на ден

Растителните влакна ве заситуваат, ве прочистуваат и имаат 0 калории. Одлични се за губење на тежината. Овие 5 грама растителни влакна ќе ги најдете во јаболката, боровинките, црниот леб, цереалиите богати со влакна или пак во овесните снегулки.

Јогурт

Јогуртот е полн со пробиоици, кои го поттикнуваат варењето на храната и ја подобруваат работата на дигестивниот систем. Тој е одлична основа за здрав појадок, кој можете да го комбинирате со парчиња овошје, мед, житарки или парчиња темно чоколадо. Избегнувајте ги овошните јогурти, бидејки тие содржат шеќери и имаат поголем број калории.

Јаткасти плодови

Јаткастите плодови како оревот, лешникот, индиските оревчиња или пак бадемите, се одличен извор на енергија и протеини. Можете да ја комбинирате со храната, да направите сопствена „гранола“ од овезни снегулки измешани со јаткасти плодови и мед или пак да ги јадете по оброкот.

Напиши коментар