За побезболно да ја поминете сезоната на свадби, погледнете ги овие предлози како да се облечете во зависност од тоа каде и во кое време од денот или ноќта се случува свадбата.
Ако сте поканети на свадба на плажа, а не сакате да ви се познава секое камче песок на тоалетата, одберете лесно фустанче во боја на песок или светла летна нијанса.
Ако треба да се сретнете со поранешното момче на таа свеченост, сигурно ќе сакате да засјаете во некој од овие модели, пастелно розев или сатенски син.
За официјалниот дел во матичната служба, размислете за некоја едноставна, но елегантна еднобојна комбинација.
На свеченост со задолжителен официјален дрес-код, одберете долг фустан, но бидете креативни во однос на дизајнот.
Ако свадбата е на отворено, како на пример, на некое отмено лозје, еве што предлагаат светските стилисти за таа пригода.
Овие два модели, пак, се покласични, за црквената церемонија, во сребрена и сина боја.
Ако, пак, сте поканети во кантри-клуб, дизајнерите препорачуваат светли бои, со шал јака или впечатлив колан околу појасот.
Ако сте на дневна свадба, а за да не изгледате ни премногу вообичаено ниту премногу дотерано, дизајнерите препорачуваат миди должина, а софистицираноста може да се добие во комбинација со златни сандали и долги обетки, или други модни додатоци по ваша желба.
