Откако Гаија Репоси ги претстави дијамантските алки во пар, од која една се наоѓа високо на увото, сите станаа опседнати со тој тренд. Некои дами дури направија друго дупче на соодветно место на увото за да може да ги носат. Други пак, сепак ги искористиле дуплите дупчиња на ресичката и трендот го изнеле на малку поразличен начин.
Приказната не се завршува со обетките. Истото правило важи и за идентични големи белезици што ги красат двата рачни зглоба. Зошто да купите една кога двете ќе бидат многу повпечатливи? Моделите навистина мора да бидат забележливи и големи за трендот да биде исполнет.
Понатаму, приказната нè води до глуждовите. Се сеќавате дека некогаш се носеа алки на нозете? Некако потполно заборавивме на оваа опција, пред сѐ затоа што не ни се допаѓаа многу. Сега овие белезици доаѓаат во пар. одлични се комбинираат со сандали и со папучи и мораме да признаеме, изгледаат добро.
