Треба да знаете дека со наредбите, повишениот тон, и заканите кај детето може да постигнете само спротивен ефект од очекуваното.
Комуникацијата е најчеста пречка помеѓу родителот и детето за доброто воспитување. Немањето комуникација, со поставување на авторитет без никакво објаснување, повишен тон, наредби… сето тоа може само да го компликува односот на детето со родителот.
Затоа запрашајте се дали вашиот однос кон детето е коректен. Замислете се вие на негово место. Дали би сакале постојано да слушате: “Не тоа”, “ Остави не можеш ти сам”, “Ти реков да не го правиш тоа”, “Ти кажав и не ме послуша е сега следи казна”….
Колку е лошо да го слушаш тоа постојано, а да не добиваш објаснување. Децата сепак не се раѓаат со знаење. Треба да се објаснува и да им се докажува со факти зошто некои работи не се во ред да се прават.