← НАЗАД НА БОЗА

Чоколаден колач

Чоколаден колач
220 Читања

Состојки:

  • 25 гр. маргарин
  • 30 гр. шеќер
  • 6 јајца
  • 1 ванилин шеќер или неколку капки екстракт од ванила
  • 130 гр. брашно
  • 250 гр. чоколадо со 60% какао (може и 70%)

Подготовка:

Измешајте го маргаринот со шеќерот, додадете 6 цели јајца, мешајте со миксер, додадете ванилин шеќер, брашно и растопено чоколадо за готвење. Добро подмачкајте ги и набрашнете ги калапите за суфле, со лажица ставете од смесата во нив и печете на 200 °C ,(рерната мора да се загрее претходно) точно 11 минути. Ако имате метални калапи за мафини, намалете го времето на печење на 9 или 10 минути.

Печени оставете ги во калапите, точно две минути на решетките, тогаш нежно со нож одвојте ја смесата од ѕидовите на калапот и префрлете ја на десертна чинија.

Послужување:

Во смесата, според вашиот вкус, можете да додадете ликер Bailey’s или можеби лажица рендани пржени лешници …

Послужете со изматена слатка павлака и декорирајте со свежо овошје. Уште подобро е ако имате сладолед од ванила.

Ако сакате да го испечете овој колач, а немате калапи за суфле, не е важно, одлично ќе послужат и шољите за кафе или малите теглички со рамни страници или метални калапи за мафини.

Важно е да знаете дека металните калапи се малку посилни и во нив побрзо се пече, па затоа треба да го скратите времето на печење во нив, барем за минута или две!

Коментари

© 2011 boza.mk | Дизајн - element.mk