Мојата кујна

Гиро пита

ПОТРЕБНИ СОСТОЈКИ:

* 500 г брашно

* 1 лажичка сол

* 1 лажичка шеќер

* 280-300 мл млака вода

* 50-60 мл масло за готвење

* 1/2 коцка свеж квасец

НАЧИН НА ПОДГОТОВКА:

Од состојките за подготовка на гиропитито, замесете убаво, фино тесто. Покријте го и оставете го на топло место да нарасне.

Стасаното тесто поделете го на 4 дела и формирајте топчиња.

Секое топче расукајте го во круг (не премногу тенок) и ставете го врз мрсна хартија.

Постапката повторете ја и со останатите топчиња.

За да не се залепат, помеѓу секој расукан круг ставете парче мрсна хартија. Вака спремни, покријте ги со крпа и оставете ги повторно да нараснат (барем поливна на час на топло место).

Тавата за печење превртете ја наопаку, ставете ја во рерна на 200 степени и оставете ја добро да се загрее.

Внимателно, расуканите нараснати крукчиња, ставете ги врз загреаната тава и печете ги 7-8 минути или се додека фино не нараснат и добијат златникава боја.

Напиши коментар