Наједноставен и најбрз рецепт за меки кнедли од гриз за во супа. Се топат во уста и се одлична алтернатива за оние, кои не сакаат фиде.
Време на подготовка: 1 минута
Време на варење: 5 минути
Состојки:
- 1 јајце
- Малку сол
- 4 рамни лажици зејтин
- 8 рамни лажици гриз
Подготовка:
Изматете го со маталка јајцето со солта. Додајте го зејтинот, а потоа и гризот. Измешајте додека се не се хомогенизира. Смесата за кнедлите ќе Ви биде потечна, затоа оставете ја да отстои неколку минути и самата ќе се згусне. Откако супата ќе зоврие, со мала лажичка вадете од смесата за кнедли и ставајте ги во супата (имајте во предвид дека кнедлите ќе набабрат, затоа пазете на нивната големина). Варете ги уште 5 минути со супата. На здравје.