Има денови кога нашите умови едноставно имаат потреба од исклучување. За жал, не можеме да тргнеме на патување кога ќе посакаме. Тоа се случува по едно бескрајно чекање на вистинскиот момент. А викендите, дојдат ли еднаш, исчезнуваат како дим од цигара.
Сепак е важно да ги направиме вистинските подготовки за одомор од соништата. Затоа ајде да почнеме од хотелот. Денес ќе ве прошетаме виртуелно во хотелот Imanta Resorts во Мексико. Тој е скриена оаза на приватната плажа Punta de Mita, оградена со бујна џунгла.
Никој не може да остане рамнодушен кон убавината на ова место. Во дворот на комплексот се наоѓа главната зграда – хотелот со 11 соби, како и пет приватни бунгалови, секој со уникатен дизајн.
Се разбира, во тоа парче од рајот се нудат и SPA третмани, кои ќе ви помогнат максимално да се релаксирате. Посетителите можат да уживаат на плажа или под зеленилата, а за љубителите на активен одмор се организираат и заеднички часови по јога, пилатес, аеробик и пливање.
Во ресторанот на хотелот – Catch the day и Tukipa – се сервираат зеленчуци, одгледани во био градините на комплексот, свежа риба, и други морски производи и егзотични овошја. Традиционалните европски и мексикански јадења можат да бидат послужани и во соба. Барот под отворено небо пак – Observatorio – открива прекрасен поглед кон sвездите и може да ја направи секоја вечер незаборавна.
