← НАЗАД НА БОЗА

Најдоброто што можете да го направите за вашите деца е…?

Најдоброто што можете да го направите за вашите деца е…?
285 Читања

Сигурно не ви се верува но има лекарство што помага за сите болести – од висок притисок до настинка и.т.н. И најважно е што не штити од нив. И од горе на се е бесплатно. Се нарекува добро расположение.

Веќе е научно докажано дека токму тоа е најголемиот непријател на болестите. Кога сме незадоволни и вечно намрштени се лачат хормони кои го напаѓаат имуниот систем и постојано нешто не боли, а кога сме среќни – се лачат други кои го зајакнуваат имунитетот и не прават отпорни за болестите.

Докажано е дека оптимистите, позитивно расположените луѓе, боледуваат многу поретко, оздравуваат многу побрзо од вечно незадоволните луѓе.

Расположението си има и чисто биолошка основа и тоа се хормоните кои се синтетизираат во мозокот. Најважните од нив се серотонин и допамин. Ако постои недостаток од серотонин преовладуваат мрачни мисли и депресивни состојби.

Човек тешко се менува на стари години, затоа научете го детето уште од најрана возраст да е позитивно, да е оптимист, да е добро расположено за да е здраво. Не заборавајте го личниот пример. Ако од секој проблем правите голема драма, ако постојано ги кршите прстите пред детето и ви е крив целиот свет, најверојатно ќе одгледате такво дете.

Фалете го детето секогаш кога има повод, создајте кај него самодоверба, за да може да се справи со предизвиците. Посветете му внимание и заедно уживајте во убавите работи што животот ги носи, а не да се фокусирате само на лошите моменти.

Смеењето лекува, смејте се заедно со децата, насмевката е како вирусите, силно заразна.

Ако се добронамерни и насмевнати и другите ќе им одговорат на истиот начин. Научете ги да ги ценат малите радости во животот, заедно погалете мало кученце, навадете дрвце, купете сликовница. Да си доставиш задоволство е цела философија, не е задолжително да си богат, за да си среќен. Малото подароче може да донесе многу повеќе расположение од скапиот подарок…

Коментари

© 2011 boza.mk | Дизајн - element.mk