Мојата кујна

Рол пицети

Состојки

  • 500 гр брашно тип 500
  • 250 мл топло млеко
  • 30 гр. квасец (свеж)
  • 10 мл масло
  • 1 лажичка сол
  • 2 печени пиперки
  • 150 гр гауда
  • 10-12 cherry домати
  • 4 лажици кечап
  • свеж босилек
  • суво оригано
  • изрендан пармезан

 

Подготовка

Во млако млеко ставете го квасецот и шеќерот и оставете го да надојде. Во подлабок сад ставете ја половината од брашното и лажичка сол. Измешајте, а потоа ставете го млекото и квасецот, маслото, додадете го остатокот од брашното и замесете го тестото. Оставете го на топло да надојде.

Тестото развлечете го во правоаголник 50×80 и намачкајте го со кечап. Наредете ги исечените печени пиперки, cherry доматите, а потоа наросете рендано сирење и исецкан босилек. Замотајте го во ролат, исечете го на парчиња околу 1,5-2 см ширина. Пицетите наредете ги на плех за печење, премачкајте ги со изматено јајце и наросете суво оригано.

Печете во загреана рерна на 200 степени околу 25 минути или додека не поруменат.

Послужете ги пицетите со изрендан пармезан.

Напиши коментар