← НАЗАД НА БОЗА

Амарант крекери

Амарант крекери
102 Читања

Овие крекери излегоа неочекувано добро и ги воодушевија сите домашни.

Состојки:

  • 250 гр амарант
  • 50 гр, може и повеќе, ленено семе
  • Сол, бибер, зачини по избор
  • сусам за посипување

Амарантот варете го 30 минути во вода, но внимавајте да не остане без вода. Водата треба да се додава по малку и да се внимава да не изгори. Кога зрнцата ќе омекнат, додадете сол, бибер и зачини по желба, како што се оригано или темијан. Оставете да се излади.

Во изладената смеса додадете го мелениот лен и сето тоа добро измешајте го. Смесата мора да биде густа.

Ставете ја смесата на хартија за печење подмачкана со масло и измазнете ја да биде околу 1/2 см дебела. Посипете со сусам и ставете да се пече на 180 степени Целзиусови околу 40 минути.

Извадете ја од рерната и свртете ја заедно со хартијата на друга чиста хартија. Додека смесата сеуште е мека, со нож, засечете плочки за да можат подоцна полесно да се кршат кога ќе се испечат до крај.

Вратете ги во рерната и печете уште 15 минути. Оставете да се изладат, искршете ги и ставете ги во хартиена кеса за да останат крцкави.

Коментари

© 2011 boza.mk | Дизајн - element.mk