Ентериер за млади кој носи во себе фантастична енергија што секогаш добро ни доаѓа како дополнителен извор кога нашите резерви секнуваат… погледнете ги интересните решенија за дневна и детска соба во овој модерен стан.
Кога ќе завршите со посетата на галеријата на овој интересен, модерен стан, декориран и потпишан од руското дизајнерско студио I AM HOME, можеби нема веднаш да го запаметите распоредот на мебел и обликот на просторијата, но дефинитивно ќе понесете чувство на спокој и младешка енергија.
Креативните решенија се секако најзабележливи кога станува збор за ѕидовите и подовите во овој стан – извонредна комбинација на плочки, искречени делови, дрвени панели, имитација на бетон и тапет со дезен на цигли ја трансформираат секоја соба во мал изложбен простор за симпатичните и креативни детали: преголеми црно – бели фотографии, впечатливи лампи, интересни закачалки …
Со исклучителни парчиња на мебел и фенси подни прекривки, во галеријата сигурно ќе најдете барем некои од дизајн елементите кои ќе ви се допаднат …
