← НАЗАД НА БОЗА

Јога за почетници: свиткување на ‘рбетот ги симнува масните наслаги околу половината

Јога за почетници: свиткување на ‘рбетот ги симнува масните наслаги околу половината
41 Читања

Потенок струк, поеластичен ‘рбет и поголем капацитет на белите дробови се резултатите од вежбите во оваа позиција.

Свиткување на рбетот во седечка положба (оригиналното име на оваа асана е Ardha Matsyendrasana) има корисен ефект врз ‘рбетот, благодарение на постепеното истегнување и ги тонира бутовите и стомачните мускули.

Исто така, го стимулира дигестивниот тракт, така што ќе ви помогне во брзото варење на храната и согорувањето на калории, а особено добро делува врз масните наслаги околу половината.

Покрај сето ова, ги затегнува и мускулите на горниот дел од телото. Оваа позиција е специјално наменета за зголемувањето на капацитетот на белите дробови за да можете да вдишете повеќе кислород.

Како се изведува:

Ќе седнете на подот, со споени нозе и исправен рбет. Префрлете ја десната нога над левата, левата рака потпрете ја на десното колено и потпрете се на десната дланка на подот позади вас.

Полека свиткајте го ‘рбетот, со тоа што прво ќе ја свртите половината, па рамената и вратот на десно, се додека не бидете во можност да погледнете преку десното рамо. Задржете ја положбата со лесно вдишување и издишување.

Вратете се во почетна позиција по истиот редослед: прво опуштете ги мускулите на половината, па градите и, на крај, на вратот. Останете исправени, но опуштете се. Со издишување, вратете ја и десната нога во почетната положба.

Повторете, овој пат со спротивната нога и рака.

Напомена: Доколку имате повреда на грбот, оваа положба можете да ја вежбате единствено во присуство на наставник по јога.

Коментари

© 2011 boza.mk | Дизајн - element.mk