Сите сакаат да одат во Калифорнија!
Иако штотуку започна пролетта, светот на модата се чини дека веќе се зажеле за сонцето, леснотијата на постоењето и доброто расположение, бидејќи во оваа сезона се се врти околу Калифорнија.
Веројатно уморни од дневните бомбардирања со лоши вести, во потрага по бегство од тмурното секојдневие, дизајнерите бараа инспирација токму во овој прекрасен дел од светот.
Основната тема на овој тренд е опуштеноста и леснотијата, мирот и слободата, без разлика дали тоа доаѓа од хипи културата и нејзините познати елементи како што се tie-dye принтот или Crochet-от, или здравиот начин на живот, престојот во природа и близината на морето, поради што оваа сезона ќе се носат и мрежести материјали, накит од школки или scuba материјали инспирирани од сурферската култура.
Дизајнерите овој тренд го толкуваа на различни начини: од Прада, која tie-dye постави на женствените pencil молив здолништа, но и на bucket шеширите, преку Келвин Клајн (во последната колекција на Раф Симонс) на кој му беа најинтересни калифорнијските плажи и сурф културата преку здолништа од неопрен и маици со мотивите од филмот „Ајкула“, па се до многу влијателните колекции на брендот R13, која произведе tie-dye парчиња со неодоливи колористички комбинации.
Проверете како се инспириравме од овој тренд низ неколку модни комбинации.
