← НАЗАД НА БОЗА

Меко пециво со суво грозје

Меко пециво со суво грозје
75 Читања

Овој традиционален десерт се служи со чај и кафе, ќе ве воодушеви!

Ви претставиме рецепт за пециво со суво грозје и цимет, што традиционално се прави во северните европски земји.

Состојки:

275 милилитри млеко

500 грама брашно

Лажица сув квасец

Лажичка шеќер

Две јајца

50 грама путер

Две лажички сол

Шест лажици шеќер

Цимет (по вкус)

200 грама суво грозје

Подготовка:

Загрејте го млекото за да биде топло, измешајте го со лажичка шеќер и квасец.

Во садот за мешање, изматете јајца, а потоа постепено додадете ги сите состојки, освен путерот и сувото грозје.

Мешајте со лажица околу пет минути, потоа додадете го омекнатиот путер и добро измешајте. Префрлете ја мешавината на набрашнета работна површина и месете додека не добиете мазно и изедначено тесто. На крајот, во тестото додадете „расфрлано“ суво грозје и уште малку помесете го, за добро да се измеша.

Оставете го тестото во покриен сад, да нарасне, околу еден час. Треба да се удвои.

Загрејте ја рерната на 180 степени, обложете ја тепсијата со хартија за печење. Од тестото се прават 12-18 топки, се редат на хартијата и се печат 15 минути.

Традиционално, топлото пециво се премачкува со малку путер, со цел да се добие убав сјај. Послужете го топло, иако се вкусни и на собна температура.

Коментари

© 2011 boza.mk | Дизајн - element.mk