– Тажен сум што турнејата се одложи, но јас ќе работам напорно за да се вратам на сцената што е можно поскоро – напиша Мик Џегер на Твитер.
Светската турнеја на групата “The Rolling Stones”, која е предвидена да започне со концертот во Мајами, е одложена поради лошата здравствена состојба на пејачот Мик Џегер.
Легендарниот рокер ќе има операција на срцето, а како што пишува американскиот портал Drudge Report, операцијата ќе биде изведена во Њујорк.
Од друга страна, порталот Page Six тврди дека на Џегер ќе му биде инсталиран стент.
Мик по повод целата ситуација се огласи на Твитер и рече дека му е жал поради сè.
– Жал ми е што ве издадов на овој начин. Жал ми е што турнеата се одложи, но ќе работам напорно за да се вратам на сцената што е можно поскоро. Уште еднаш, големо извинување до сите – напиша Џегер.
I’m so sorry to all our fans in America & Canada with tickets. I really hate letting you down like this.
I’m devastated for having to postpone the tour but I will be working very hard to be back on stage as soon as I can. Once again, huge apologies to everyone.— Mick Jagger (@MickJagger) March 30, 2019
Поради лошата здравствена состојба на Џегер, се одложени 17 настапи, а, според озборувањата, турнејата ќе започне во јуни.