Ако сакате несекојдневна декорација, огледало поразлично од било кое друго или интересен ормар за претсобје украсен со огледало, погледнете некои од идеите на италијанското студио “Galloti & Radice”.
Во изобилието на секојдневните и „веќе видени“ форми на огледала, креативност и оригиналност, привлекуваат внимание на прв поглед.
Италијанското студио “Galloti & Radice” претставува многу иновативни идеи за огледала и мебел од стакло во футуристички стил.
Некои модели се прилично едноставни, додека најинтересните се на самиот врв на индустријата за стакло.
Огледало во форма на лист или голема светилка која е врамена со огледало е необично парче мебел што може да го промени секој ентериер.
На љубителите на оригиналност, ќе им се допадне и моделот на огледало “Changes 09” – од три страни, средината е правоаголна, а страните со конкавни форми.
Специфичноста на овој модел е тоа што може да стои и хоризонтално и вертикално и на тој начин воопшто не губи од својата привлечност.
Моделот “L`uovo” (јајце) – делува како врвот на футуризмот, дури и денес, иако беше произведен во 1993 година.
Додека, на прв поглед, делува како најобично огледало, во неговата внатрешност „се крие“ ормар за капути и јакни.
Направен од абонос, овој плакар може да има рачка или лево или десно, а самото огледало по избор може да биде овално или со коси рабови.
Многу интересен е моделот “Zed” благодарение на атрактивниот метален држач, како и косата страна на дното каде што можете лесно да се видите додека се обувате.
Огледалото Zeiss е украсено со рачно полирано стакло со коси рабови. Задниот дел на овој модел е направен од дрво 5 см дебело и налакирано со бои на костен и песок.
