← НАЗАД НА БОЗА

Омилен летен тренд: Кратки костуми

Омилен летен тренд: Кратки костуми
100 Читања

Женските костуми се омилен моден тренд веќе неколку сезони, а ова лето ќе се носат на малку поинаков начин.

Всушност, во текот на топлите денови, ќе бидете во можност да изгледате моќно во строгите кроеви, со тоа што ќе ги носите совршените highwaisted шорцеви под сакото, наместо деловните панталони.

Кратките женски костуми се дефинитивно најимпресивниот тренд што ќе се носи ова лето.

Костумите ја сочинуваат претходно дизајнираната и непогрешлива комбинација на облекување, за која што посегнуваме кога сакаме да бидеме облечени со стил без да инвестираме премногу време и размислување.

Оваа сезона се особено популарни кратките костуми, кои се комбинација на кратки панталони или малку подолги шорцеви, со висок струк и сакоа, чија должина на ракавите исто така варира, од модел до модел.

Популарноста на овие костуми придонесува за нивниот софистициран, а воедно и casual изглед, што подразбира готов изглед, со кој сте спремни за секоја прилика од дневните прошетки до вечерните излегувања.

Особено привлечни се кратките костуми во пастелни бои кои се целосно во духот на летото, а на кои можете да и дадете посебна автентичност со комбинација на соодветни модни детали.

Тие совршено се комбинираат со омилените старки, сандали, но исто така и салонки, а секоја од овие комбинации му дава посебна намена на костумот.

А кога сакате да промените нешто, секогаш можете да го комбинирате вашето омилено здолниште со вашето сако и да додадете уште една совршена летна комбинација на вашата листа на омилени look-ови.

Коментари

© 2011 boza.mk | Дизајн - element.mk